ადამიანის ცხოვრებაში არსებობს ორი ყველაზე მნიშნელოვანი დღე: პირველი, როდესაც იბადება და მეორე, როდესაც ხვდება ცხოვრებაში რისი კეთებაც სურს. ბედნიერია ყველა, ვინც ამას საკუთარ თავში აღმოაჩენს. ბედნიერია გიორგი კოხტაშვილიც, რადგან ბავშვობაშივე მიხვდა, თუ რისი კეთება სურდა.

გიორგი 27 წლისაა, მას უკვე კვერცხის და წისქვილის ბიზნესი აქვს, ასევე ჰყავს საქონელი, საიდანაც ყველს აწარმოებს.

გიორგის, საიდუმლო იმაში მდგომარეობს, რომ მან იპოვა საქმე, რისგანაც დიდ სიამოვნებას ღებულობს და ამ ყველაფერს დაუთმო თავისი დრო და რესურსი. გიორგის ახარებს, იმის წარმოდგენაც რომ მისი ნაშრომით, კილომეტრებით დაშორებულ ქალაქში, სამსახურიდან მოსული დაღლილი ადამიანი მის მისი ფერმის კვერცხს მოიმზადებს და სურნელოვან ტყემალთან ერთად გემრიელად მიირთმევს.