საინტერესოა, თუ რამდენი მშრომელი ქალი ცხოვრობს მანავის ხეობაში.

შორენა ფოცხვერაშვილი 39 წლის ქალბატონია. ის გრძელი, სუსხიანი და ცივი ზამთრისთვის, უკვე 9 წელია განსაკუთრებულად ემზადება. დრო თითქმის არ აქვს. ჩურჩხელები, ღვინო, ჯემები, ტყლაპი. ყველაფერი ეს ენით აღუწერელ შრომასა და ენეგიას მოითხოვს. მისთვის მთავარი პროდუქტის ხარისხია, ამიტომ შორენა და მისი დედამთილი მცდელობას არ აკლებენ და გარშემომყოფებისთვის ყოველთვის ნატურალური და გემრიელი ტკბილეულობებით ახარებენ.

ქალბატონი თამარის ოჯახი ჟრიამულით ივსება და სახლი სხვადასხვა სეზონის სურნელებით იჟღინთება. ქურაზე რამდენიმე ჭურჭელი დუღილს იწყებს. ერთში ლეღვი თუხთუხებს, მეორეში მარწყვი ჰყვება მაისის თვის სიმფონიას, შინდი და კაკალიც ხმაურობს. გვერდით ოთახში ჩურჩხელისთვის ბადაგი მზადდება, გარეთ, მზის გულზე მსხალი, გარგარი, შავი ქლიავი ეფიცხებიან. შემოდგომა ფოცხვერაშვილების ოჯახში განსაკუთრებულია. ქალბატონი შორენა, სწორედ ამ დიდი სიყვარულის მეშვეობით ქმნის ნუგბარს, რომლის მირთმევაც ადამიანებს ახალ-წელს, შობას და უბრალოდ, ზამთრის ცივ და სუსხიან ამინდში უყვართ.