რაოდენ დიდი ინტერესის დიდი დიაპაზონი უნდა გქონდეს ადამიანს, რომ მანქანების სამყაროდან, აგრონომიაში გადახვიდე და ბოსტნეული მოყვანა დაიწყო?! ალბათ ძალიან დიდი. ხშირ შემთხვევაში, როდესაც ადამიანი რაღაც ერთ საქმეს იპოვის, ცდილობს ხოლმე, რომ მაქსიმალურად მასზე კონცენტრირდეს. გადის დრო, ეს საქმე რუტინად იქცევა, მაგრამ კომფორტის ზონის დატოვა აღარ გვინდება ხოლმე, თუმცა არსებობენ ისეთი გამონაკლისებიც როგორიც ფირუზია.

ფირუზი წარმოშობით კახეთიდანაა. ის ერთი მშრომელი ადამიანია, რომელსაც ძალიან უყვარს თავისი ოჯახი, შვილები, მხარე და ზოგადად ის გარემო, რომელშიც ცხოვრობს. გამოწვევები არ აშინებს, ამიტომ ცდილობს მისთვის უცნობ საქმეებს გაეცნოს და შეიცნოს. სწორედ ასე აღმოაჩინა აგრონომიაც. მართალია, მანქანების სამყაროს ერთგული დარჩა, მაგრამ როგორც კი დრო გამოჩნდება თავის ნაკვეთში ფუსფუსებს და არც მეტი, არც ნაკლები პომიდორს გახარებაში ეხმარება. ფირუზი ჯერ მხოლოდ 32 წლის კაცია და მან იცის, რომ ეს ეს სამყარო სიურპრიზებითაა სავსე და ახალი აღმოჩენები ჯერ კიდევ წინაა.